Friday, October 25, 2013

Во рамките на проектот ФУПОЛ - ОТВОРЕНА ДЕБАТА НА ТЕМА „УЛИЧНО ОСВЕТЛУВАЊЕ НА ГЛАВНИТЕ БУЛЕВАРИ ВО СКОПЈЕ“

Како дел од проектот „Интелигентни алатки за креирање политики“ - ФУПОЛ, отворена е дебата на тема „Улично осветлување на главните булевари во Скопје". 

Станува збор за состојбата со уличното осветлувањето на булеварите и магистралните улици кои се во надлежност на Градот Скопје.

Сите заинтересирани може да оставаат коментари за тоа каква е е состојбата со јавното осветлување на булеварите и на магистралните улици кои се во надлежност на Градот Скопје, дали се задоволни од нивната осветленост, дали на некои локации имаат забележано дефекти и недостатоци, како и да дадат идеи и предлози на оваа тема. 

Сите заинтересирани можат да учествуваат преку оставање коментари на интерактивната мапа на следната интернет врска, како и преку пополнување на крактиот анкетен лист на следната интернет врска.

Дополнително, сите коментари можат да бидат дадени на сите официјални профили на Град Скопје на социјалните мрежи фејсбук (www.facebook.com/pages/Град-Скопје-Официјален-профил/201845923194961),твитер (https://twitter.com/gradskopje1), како и на официјалниот блог профил на проектот ФУПОЛ во Скопје (http://fupolskopje.blogspot.com).

Проектот „Интелигентни алатки за креирање на политики“ е финансиран од Европската Унија, во рамките на ФП7 Програмата и има за цел да овозможи целосно нов пристап кон водење на традиционалните политики. Преку иновативни методи користејќи ги социјалните мрежи и анкетни листови проектот FUPOL ќе придонесе за подобрување на начинот на кој политичарите и администрацијата комуницираат со граѓаните. 

Резултатот од проектот е развивање алатки базирани на информатички технологии, односно софтвер кој ќе овозможи нов начин на комуникација меѓу политичарите, граѓаните и бизнис секторот. Софтверот кој е изработен овозможува автоматско собирање, анализирање и толкување на изнесени мислења на граѓаните, а исто така, овозможува и симулација на ефектите од донесување политики и закони и можност да им асистира на властите во целиот процес на донесување одлуки.

Сите добиени коментари, мислења и ставови ќе бидат систематизирани и обработени со специјалниот софтвер и истите ќе бидат вклучени во процесот на креирањето политики на Градот Скопје.

1 comment:

  1. Ulica Jordan Milajkov poranesna Zeleznicka, osvetluvanje ima, no e postaveno od leva strana na kolovozot, na istata strana ima drvored koj ja blokira svetlinata, avtomobilite se parkirani na trotoarite od dvete strani a pesacite mora da se dvizat po ulica i navecer mnogu brzo se vozi, sto pretstavuva opasnost za niv.

    ReplyDelete